လွမ်းမိတယ်………….

ဘာလိုလိုနဲ့ကျောင်းတွေတောင်ပြန်ဖွင့်တော့မှာနော်…..။ဒီနေ့ အိပ်ရာကနှိုးတော့အတွေးတစ်စကခေါင်းထဲကိုရောက်လာတယ်။မေလကုန်ခါနီးပြီဆိုတာနဲ့ဆရာ၊ဆရာမတွေကလည်းလုပ်ငန်းခွင်ကျောင်းတော်ကြီးမှာတာဝန်ထမ်းဆောင်ဖို့ပြင်ဆင်နေကြသလိုကျောင်းသူ၊ကျောင်းသားတွေကလည်းကျောင်းတော်ကြီးမှာအားမာန်အပြည့်နဲပညာသင်ယူဖို့ပြင်ဆင်နေကြပြီပေါ့။ဒီလိုစောင့်စားရင်းနဲ့ပဲဇွန်လ(၁)ရက်နေ့ဆိုတဲ့ ကျောင်းဖွင့်ရက်ကိုရောက်လာတာပေါ့။

ကျောင်းဖွင့်တဲ့ပထမနေ့ဆိုတော့ကျောင်းသူကျောင်းသားလေးတွေကလည်းသစ်လွင်လှပတဲ့ကျောင်းဝတ်စုံလေးတွေဆင်မြန်းပြီးပညာသင်ယူဖို့တက်ကြွတဲ့အားမာန်တွေနဲ့………။ဆရာ၊ဆရာမတွေကလည်းကျောင်းသူ၊ကျောင်းသားတွေကိုအတန်းနေသားတကျရှိဖို့ပြင်ဆင်ပေးရ၊စာသင်ခန်းမှာစည်းကမ်းတကျနေထိုင်တတ်ဖို့ဆုံးမစကားတွေပြောရ၊ကျောင်းစည်းကမ်းလေးစားလိုက်နာဖို့၊ယဉ်ကျေးလိမ္မာတဲ့သားကောင်း၊သမီးမွန်တွေဖြစ်ဖို့သြ၀ါဒတွေခြွေရနဲ့တနွေလုံးအနားယူလာပြီးတဲ့ကျောင်းတော်ကြီးဟာအခုတော့သက်ဝင်လှုပ်ရှားလာခဲ့ပါတယ်။မိဘတွေကလည်းမိမိတို့သားသမီးတွေကိုကျောင်းလိုက်ပို့ရင်းပြုံးပန်းပီတိတွေဝေနေကြတဲ့အချိန်ပေါ့။

သြော်……ဒီလိုနဲ့စခဲ့ပြီးကျောင်းတော်မဟာကြီးကကျောင်းသူ၊ကျောင်းသားတွေကိုပညာတွေဖြန့်ဝေရင်းတာဝန်တွေထမ်းဆောင်နေအုန်းမှာဖြစ်သလို၊ဆရာ၊ဆရာမတွေကလည်းမိမိတို့တပည့်လေးတွေအနာဂတ်မှာပညာတွေပြည့်ဝစွာနဲ့တိုင်းပြည်တာဝန်တွေထမ်းဆောင်နိုင်ဖို့ပညာတွေသင်ကြားဖြန့်ဝေပေးနေဆဲပါ။ကျောင်းသူ၊ကျောင်းသားတွေကလည်း ပေးဝေတဲ့ပညာတွေကိုခံယူရင်းဆရာ၊ဆရာ့မတို့အတွက် တပည့်ကောင်း၊မိဘတို့ အတွက် ရတနာလေးတွေဖြစ်လာအောင်ကြိုးစားနေကြအုန်းမှာပါ…….။

အနာဂတ်မှာလှပစွာပွင့်လန်းလာမယ့်ပန်းလေးတွေကို စတင်ပျိုးထောင်ပေးတဲ့ ဇွန်လ(၁)ရက်နေ့ကိုလွမ်းနေရင်းဥယျာဉ်ကြီးနဲ့တူတဲ့ကျောင်းတော်ကြီးမှာ ဥယျာဉ်မှုးတွေဖြစ်တဲ့ဆရာ၊ဆရာမတို့ရဲ့ရေလောင်းပေါင်းသင်၊ပြုစုပျိုးထောင်ပေးနေမယ့်ပုံရိပ်လေးတွေကို လွမ်းမိတယ်………….။

ပန်းသဇင်လေး ဂုဏ်တင့်ပါပြီ

တနွေလုံးအနားယူခဲ့တဲ့ကျောင်းတော်ကြီးဟာဇွန်လရဲ့မိုးရေစက်တွေနဲ့အတူလှုပ်ရှားနိုးထလို့လာခဲ့သလိုမိုးဆန်းပန်းလေးတွေနဲ့သဏ္ဍာန်တူတဲ့ကျောင်းတော်သူ၊ကျောင်းတော်သားလေးတွေနဲ့သက်ဝင်လာခဲ့ပါပြီ။တူညီဝတ်စုံဖြူစိမ်းလေးတွေနဲ့ကျောင်းသူ၊ကျောင်းသားလေးတွေဟာမိုးရေဆွတ်ဖြန်းမှလန်းဆန်းလာတဲ့သဇင်ပန်းလေးတွေလိုပါပဲ။တင့်တယ်လှပနေကြတယ်။သဇင်ပန်းလေးတွေအလှနဲ့တင့်တယ်နေတဲ့နေရာလေးကတော့အနာဂတ်ပန်းလေးတွေကိုလှလှပပပွင့်လန်းလာအောင်ပြုစုပျိုးထောင်ပေးနေတဲ့အမိပညာရေးတက္ကသိုလ်ပဲဖြစ်ပါတယ်။

မိုးဆန်းပန်းလေးတွေဟာရည်ရွယ်ချက်မျိုးစုံ၊အကြောင်းတရားမျိုးစုံနဲ့ရောက်လာခဲ့ ကြတယ်လေ။ဆရာ၊ဆရာမဘ၀ကိုမြတ်နိုးလို့တမျိုး၊မိဘကတိုက်တွန်းလို့တဖုံ၊သူငယ်ချင်းတွေနဲ့အတူတူကျောင်းတက်ရအောင်ဆိုပြီးအခြေခံအကြောင်းတရားမျိုးစုံနဲ့ပေါ့။ဒါကြောင့်လည်းခံယူချက်တွေကလည်းကွဲပြားလာကြတာပေါ့။ဘယ်လိုဘဲခံယူချက်တွေကွဲပြားနေပေမယ့်အားလုံးကတော့ဆရာ၊ဆရာမဘ၀ကိုခံယူရဖို့ဒီကျောင်းတော်ကြီးကိုရောက်လာခဲ့ကြတာဘဲလေ။ဒီလိုခံယူချက်တွေမတူညီတဲ့အတွက်ဆရာ၊ဆရာမတွေကသင်ကြားပြသပေးတဲ့နာယူလက်ခံမှုပုံစံတွေမတူညီကြပါ။ဆရာ၊ဆရာမတွေကလည်းတပည့်တွေကိုပညာပြည့်ဝနှလုံးလှတဲ့သူလေးတွေဖြစ်လာဖို့လက်နက်မျိုးစုံတပ်ဆင်ပေးကြတယ်။ဆရာ၊ဆရာမတွေသင်ကြားမှုအပေါ်မှာနာယူလက်ခံတဲ့သူရှိသလို၊ငြိုငြင်ဆန့်ကျင်ချင်တဲ့သူတွေလည်းရှိကြတယ်။ဘ၀မှာရည်မှန်းချက်ပန်းတိုင်ကအရေးကြီးပါသည်။ရည်မှန်းချက်ရှိသူတွေကတော့ကိုယ့်ပန်းတိုင်ရောက်အောင်လျှောက်လှမ်းနေတဲ့အတွက်အရာရာကိုအလေးအနက်ထားပြီးလိုက်နာလုပ်ဆောင်တတ်ကြပါသည်။ရည်မှန်းချက်မရှိဘဲ၊မထားဘဲနေတဲ့သူတွေကတော့အရာရာမှာအလေးအနက်အထားတတ်ကြဘူး။အဲဒီအထဲမှာကျွန်မတစ်ယောက်အပါအ၀င်ပေါ့။ကျွန်မဒီတက္ကသိုလ်တက်ရတာကလည်းမိဘတွေကတက်ခိုင်းတာကြောင့်ပါ။ပညာရေးတက္ကသိုလ်တက်ရပြီဆိုကတည်းကအဖြူ၊အစိမ်းလေးဝတ်ရမှာသိရဲ့နဲ့ဘဲဒီဝတ်စုံလေးဝတ်ရတာကိုကအစမကျေမနပ်ဖြစ်ခဲ့မိတယ်။တက္ကသိုလ်ကျောင်းသူဘ၀မှာကာလာစုံလေးဝတ်ပြီးကျောင်းတက်ချင်ခဲ့တာ။ဒီအဖြူအစိမ်းဝတ်ရတာကိုစိတ်ပျက်ရတဲ့အထဲဖိအားပေးတဲ့သူတွေရှိပြန်တယ်။ကျွန်မတို့ကျောင်းကဆေး(၁)နားမှာဆိုတော့ကျောင်းသွား၊ကျောင်းပြန်အဲဒီကျောင်းသားတွေနဲ့ဆုံတာပေါ့။ဆုံတိုင်းအပြောခံ၊အစခံရတာတော့ဒီဝတ်စုံကြောင့်ဘဲပေါ့။ကျွန်မတို့ကို”မုန်လာဥဇောက်ထိုးမလေးတွေ”တဲ့။အဲဒီအချိန်တုန်းကတော့ဒီဝတ်စုံကိုဝတ်ပြီးကျောင်းမသွားချင်လောက်အောင်ပါဘဲ။ဒီလိုနဲ့ဘဲဆရာ၊ဆရာမရဲ့သင်ကြားမှုတွေကိုနာယူရင်းစိတ်မပါလက်မပါနဲ့ကျောင်းတက်လာတာစာသင်နှစ်တ၀က်ပြည့်ခါနီးဖြစ်နေပြီ။တစ်နေ့မှာတော့ကျွန်မတို့ကိုသင်ပြနည်းဘာသာသင်ပြပေးတဲ့ဆရာမကဒီလိုသင်နည်းမျိုးစုံကိုသင်ပြ၊ပြောပြနေရတာဟာကျွန်မတို့လက်တွေ့ဘ၀မှာ၊ကျောင်းသူ၊ကျောင်းသားတွေကိုပြန်လည်သင်ကြားတဲ့နေရာမှာအခက်အခဲမရှိဖြေရှင်းသင်ကြားနိုင်ဖို့အတွက်ဖြစ်ကြောင်းဆရာ၊ဆရာမဆိုတာဥယျာဉ်မှုးနဲ့တူေ ကြာင်း၊ဥယျာဉ်မှုးကသာပြုစုပျိုးထောင်တဲ့နည်းလမ်းမှားယွင်းသွားခဲ့ရင်ပန်းပွင့်လေးတွေနဲ့တူတဲ့တပည့်လေးတွေရဲ့ဘ၀ကလှပမှာမဟုတ်ကြောင်း၊ဥယျာဉ်မှုးကသာပျိုးထောင်မှုမှန်ရင်ပန်းမျိုးစုံကငွါးငွါးစွင့်စွင့်ဖူးပွင့်ဝေဆာနိုင်ကြောင်းနှင့်ကျောာင်းဝတ်စုံဖြူစိမ်းလေးကလည်းကျက်သရေရှိပြီး၊ဖြူစင်ကြည်လင်တဲ့သဘောရှိပြီးပန်းသဇင်လေးတွေနဲ့တူကြောင်းရှင်လင်းပြောပြပါတယ်။အဲဒီနေ့ကျောင်းကပြန်လာပြီးတဲ့မခါကျွန်မဟာဆရာမပြောတဲ့စကားတွေကိုနားထဲမှာပြန်ကြရင်းစဉ်းစားနေမိတယ်။ဆရာ၊ဆရာမဘ၀ကမြတ်နိုးဖွယ်ကောင်းပြီးအနာဂတ်ရဲ့ရတနာလေးတွေကိုပုံသွင်းပြုပြင်ပေးနိုင်၊ပန်းပေါင်းစုံပြုစုပျိုးထောင်ပေးနိုင်တယ်။ပန်းလေးတွေဝေဆာဖူးပွင့်လာတဲ့အခါပီတိတွေခံစားရတယ်။ဆရာတွေဘ၀က”တပည့်မရှား၊တပြားမရှိ။ပီတိကိုစားအားရှိ”နေကြတာပါတဲ့။ဆရာမရဲ့စကားတွေထဲကအမှတ်မိဆုံးစကားလေးတခွန်းရှိပါတယ်။အဲဒါကတော့”တပည့်တို့ကိုပြောဆိုဆုံးမပြီးသင်နည်းမျိုးစုံပေးနေရတာကတော့လက်တွေ့ဘ၀လောကမှာတင့်တယ်ဂုဏ်ရှိစေချင်လို့”ဆိုတာပါဘဲ။

အဲဒီအချိန်ကစပြီးကျွန်မဟာရည်မှန်းချက်ရှိတဲ့သူတစ်ယောက်ဖြစ်လာပါတယ်။အဲဒီရည်မှန်းချက်ကတော့”ပန်းမျိုးစုံကိုအစွမ်းကုန်ဝေဆာဖူးပွင့်လာအောင်ပြုစုပေးနိုင်တဲ့ဥယျာဉ်မှုးကောင်းတစ်ယောက်ဖြစ်လာဖို့ပါ။ရည်မှန်းချက်အပြည့်နဲ့ကြိုးစားသင်ယူရင်းလေးနှစ်တာကာလပြီးဆုံးသွားလို့လက်တွေ့ဘ၀လုပ်ငန်းခွင်ကိုဝင်ခဲ့ရပါပြီ။လက်တွေ့ဘ၀ကိုရောက်မှဆရာမတွေရဲ့စေတနာတွေနဲ့စကားတွေပိုပြီးတန်ဖိုးထားမြတ်နိုးလာမိပြီးပိုပြီးလေးစားမိလာပါတယ်။အခုတော့ဆရာ၊ဆရာမတွေရဲ့တပ်ဆင်ပေးလိုက်တဲ့လက်နက်မျိုးစုံကြောင့်ပညာရေးတက္ကသိုလ်ဆိုတဲ့ဥယျာဉ်ကြီးကပြုစုပျိုးထောင်ပေးလိုက်တဲ့သဇင်ပန်းလေးတစ်ပွင့်ဂုဏ်တင့်နေသလို၊ကျက်သရေရှိလှတဲ့ကျောင်းဝတ်စုံအဖြူအစိမ်းလေးကိုတန်ဖိုးထားမြတ်နိုးနေပါပြီ။

နှိုင်းလို့မယှဉ်သာ မေမေ့မေတ္တာ

သမီးလား၊သား ခွဲခြားမသိခင်

ချိန်တွင်ကစ၊ဂရုစိုက်ကာ

ဝမ်းတွင်လွယ်ထား၊သန္ဓေသားကို

ကျန်းမာစေရန်၊စိတ်ရည်သန်လျှက်

နေထိုင်သွားလာ၊စားသောက်တာကို

ဆင်ခြင်ခဲ့တဲ့ မေမေ။

ထိုမှတဖန်၊မွေးပြီးပြန်လည်း

သမီး၊သားကိုလူလားမြောက်ရန်

ဆုံးမသွန်သင်၊ကျွေးမေွးပြန်၏။

လက်ဦးဆရာမည်ထိုက်ပေသော မေမေ။

အရွယ်ရောက်လာ၊ချိန်ခါတွင်လည်း

ပညာရရန်၊စိတ်ရည်သန်လျှက်

သင့်ရာအပ်ပို့ခဲ့တဲ့ မေမေ။

ပညာပြည့်စုံ၊ကုံလုံနေလည်း

သမီး၊သားအတွက်၊ အမြဲတွေးလျှက်

ကျေနပ်တခါ၊ပူပင်တလှည့်

ရှိနေတတ်ခဲ့တဲ့ မေမေ။

သမီး၊သားက အတောင်စုံလို့၊ပျံချိန်ရောက်လည်း

ပီတိဖြာကာ၊၀မ်းသာလျှက်

လိုအပ်ချက်တွေက်ုဖြည့်ဆည်းပေးချင်နေတဲ့ မေမေ။

ကြီးမားလှတဲ့၊မေ့မေတ္တာကို

ကမ္ဘာမိုးမြေ အနှံ့ဖွေကာ၊နှိုင်းယှဉ်စရာ

ရှာကြည့်ပြန်လည်း၊မှီသည့်အရာ

မရှိနိုင်ပါ။

မေမေ့မေတ္တာတရားကားဘယ်အရာနဲ့မှတုနှိုင်းမယှဉ်သာပါ။

(ကမ္ဘာ့ အမေများနေ့ အမှတ်တရ)

ပစ္စည်းတိုင်းရဲ့ကိုယ်ပိုင်တန်ဖိုး

နှစ်စဉ်ကျင်းပမြဲဖြစ်တဲ့ကျွန်မတို့မြို့ရဲ့စည်ကားလှတဲ့သီတင်းကျွတ်ဘုရားပွဲတော်ကို မြို့သူမြို့သားတွေကလည်း မဆင်နွှဲလိုက်ရရင် ခေတ်မမီတော့သလို ခံစားကြရတယ်။ဒီမြို့သူတစ်ယောက်ဖြစ်တဲ့ ကျွန်မလည်း နှစ်စဉ်ဆင်နွှဲနေကြပေါ့။ဘုရားပွဲတော်က အနည်းဆုံး(၁၅)ရက်လောက်ကြာပါတယ်။ဒီဘုရားပွဲတော်ကိုနယ်စုံကဈေးသည်တွေကကုန်ပစ္စည်းမျိုးစုံလာရောက်ရောင်းချကြသလို ကျွန်မတို့မြို့နားနီးတဲ့ကျေးရွာစုံကလူတွေလာရောက်ဆင်နွှဲကြပါတယ်။ရောင်းချတဲ့ပစ္စည်းတွေကလည်း ကလေးကြိုက်၊လူကြီးကြိုက် မျိုးစုံပေါ့။အဓိကပြောချင်တာကတော့ဘုရားပွဲတော်အကြောင်းထက်ဘုရားပွဲဈေးသွားရင်း ရရှိခဲ့ရတဲ့ခံစားမှုလေးတစ်ခုပါ။

ဘုရားပွဲတော်ဆိုတော့လူမျိုးစုံလာကြတာပေါ့။ကျွန်မလည်းဘုရားပွဲဈေးလျှောက်ရင်းလူမျိုးစုံရဲ့ပြောစကားတွေ၊ဝေဖန်မှုတွေကိုကြားတော့မသိစိတ်ကအလိုလိုနားထောင်မိနေပြီးခံစားမှတတ်သားနေမိတယ်။ကလေးကစားစရာအရုပ်ဆိုင်တစ်ဆိုင်ရဲ့ရှေ့ရောက်တော့အမျိုးသမီးကြီးတစ်ယောက်ပြောနေတဲ့စကားကိုကြားမိသလိုဈေးရောင်းတဲ့သူရဲ့မကြားနိုးနားပြောတဲ့စကားကိုလည်းကြားမိလိုက်တယ်ရှင့်။အဲဒါကတော့

ဈေးဝယ်အမျိုးသမီး။ ။”သားငယ် ဒီအရုပ်ကဈေးပေါတယ် မယူနဲ့နော်။

သားလိုချင်ရင်ဒီလိုပုံစံ ဒီထက်ဈေးကြီးပြီးကောင်းတာဝယ်ပေးမယ်”

အမျိုးသမီးကြီးကပြောလည်းပြောရင်းထွက်သွားတာပေါ့။ကျွန်မလည်းထူးဆန်းတဲ့အရာမဟုတ်ဘဲနဲ့ကို အဲဒီအမျိုးသမီးနောက်ကိုအာရုံကပါသွားတယ်။အဲလိုပါသွားလို့လည်းကျွန်မမှာခံစားမှုလေးတစ်ခုရလာတာပေါ့။အဲဒီလိုနဲ့ဘဲ ခုန ဈေးဝယ်အမျိုးသမီးကြီးကနောက်ထပ်တစ်ဆိုင်ရောက်တော့သူ့သားလေးလိုချင်တဲ့အရုပ်လေးကိုတွေ့သွားသလိုဝယ်လည်းပေးလိုက်တယ်။အဲဒီအရုပ်ကအရင်ဆိုင်မှာတွေ့ခဲ့တဲ့အရုပ်နဲ့တပုံစံတထေရာတည်းဘဲ။ဒါပေမယ့်ကွာခြားတာတစ်ခုတော့ရှိတယ်။အဲဒါကတော့ဒီဆိုင်မှာက အဲဒီအရုပ်မျိုးကနည်းနည်းတွေ့ရပြီး ဆိုင်ရှင်ကလည်းဈေးတင်ပြီးရောင်းထားတာလေ။ဒါပေမယ့်လူ့သဘောကိုကပေါပေါများများတွေ့နေရရင်ဘဲတန်ဖိုးမရှိတော့သလို၊တန်ဖိုးနည်းသလိုထင်တတ်ကြတယ်။ဒီနေရာမှာမှ အရင်ဆိုင်ရှင်ပြောတဲ့စကားကိုထောက်ခံမိတော့တယ်။ဘာပြောသလဲဆိုရင်

ဆိုင်ရှင်။ ။”လူတွေများပစ္စည်းများများတင်ထားပြီးဈေးမှန်နဲ့ရောင်းတော့တန်ဖိုးနည်းတယ်ထင်ကြတယ်။”(တန်ဖိုး=ပစ္စည်းအရည်အသွေး)

အစကတော့ဒီဈေးသည်သူ့ပစ္စည်းမ၀ယ်လို့အပြစ်တင်စကားဆိုတယ်လို့ထင်ခဲ့မိတာ။နောက်တော့မှသူ့စကားမှန်ပါလားလို့ကောက်ချက်ချမိတယ်။ဘာလို့လဲဆိုတော့ဈေးဝယ်အမျိုးသမီးကြီးဝယ်လိုက်တဲ့အရုပ်ကသူ့ဆိုင်ကအရုပ်နဲ့တူပေမယ့်အဲဒီဆိုင်မှာကအရုပ်တွေကအများကြီးရှိနေတဲ့အပြင်ဈေးကလည်းချိုနေသေးတယ်လေ။ကျွန်မလည်းဘုရားပွဲဈေးကိုလည်နေရပေမယ့်ဆိုင်ရှင်ဈေးသည်ပြောတဲ့စကားကိုဘဲကြားယောင်နေမိသလိုအတွေးတခုလည်းဝင်လာခဲ့တယ်။”သြော်….လူတွေက ပေါပေါများများရတတ်တဲ့ပစ္စည်းဆိုရင်တန်ဖိုးမထားတတ်ကြပါလား…။ဒါပေမယ့်ပစ္စည်းတိုင်းမှာသူ့တို့ရှိထိုက်တဲ့တန်ဖိုးလေးတွေရှိနေကြတယ်လို့….ပေါ့။

(မှတ်ချက်။ ။လူတိုင်းကိုဆိုလိုခြင်းမဟုတ်ပါ။ဖြစ်တတ်သောလူ့သဘောလေးကိုဖော်ပြလိုသောဆန္ဒသက်သက်သာဖြစ်ပါသည်။)

“ထားခဲ့မိလေသောစေတနာကြောင့်…….”

“စေတနာ”ဆိုတဲ့စကားလေးသုံးလုံးဟာအင်မတန်လှပပြီးကောင်းမွန်တဲ့အဓိပ္ပါယ်တွေနဲ့ပြည့်စုံနေတယ်။ဒီလိုလှပပြီးအဓိပ္ပါယ်ရှိတဲ့စကားလုံးလေးဖြစ်ပေါ်မလာအောင်ဖန်တီးတတ်တဲ့ပတ်ဝန်းကျင်ဆိုတာကလည်းရှိလာပြန်တယ်။ဒါကြောင့်လည်း’စေတနာသည် လူတိုင်းနဲ့မထိုက်တန်’ဆိုတဲ့ဆိုရိုးစကားလေးရှိလာရပြန်တာပေါ့။

ကျွန်မရဲ့မကောင်းတဲ့အကျင့်လို့ပြောရမလား| ကောင်းတဲ့အကျင့်လို့ပြောရမလားတော့မသိဘူး။အဲဒါကတော့ တစ်ပါးသူကအကူအညီတောင်းခံမှုမရှိဘဲအမြင်မတော်တဲ့အခါ တစ်ခါတစ်ရံအကူအညီပေးမိတယ်။ဒီလိုလုပ်တာဟာကိုယ်ကိုအသိအမှတ်ပြုခံချင်လို့|ထင်ပေါ်ချင်လို့|ဆရာကြီးဒီဇိုင်းဖမ်းချင်လို့ မဟုတ်ဘဲ တစ်ပါးသူတွေပြေလည်ကောင်းမွန်စေချင်တဲ့စေတနာသက်သက်ပဲရှိတယ်ဆိုတာကိုယ်ကလွဲပြီးဘယ်သူသိနိုင်မှာလဲလေ။ဒီလိုပြုမူတဲ့အခါတိုင်း ကောင်းမွန်တဲ့တုံ့ပြန်မှုရတဲ့အခါစေတနာရဲ့အကျိုးဆက်အဖြစ်ပီတိကိုခံစားရပေမယ့် တစ်ခါတစ်ရံမှာလွဲမှားတဲ့အမြင်နဲ့တုံ့ပြန်မှုကိုခံရတဲ့အခါ ၀မ်းနည်းမှုကိုခံစားရပြန်တယ်။ဒီလိုခံစားချက်တွေဖြစ်လာအောင်လုပ်ခဲ့တာလည်းသူတစ်ပါးမှမဟုတ်ဘဲကိုယ်ကိုယ်တိုင်ပဲလေ။လူဆိုတဲ့အမျိုးကိုကအမြင်အမျိုးမျိုးရှိတတ်တာ သဘာဝပဲလေ။’သူ့ဘက်ကကြည့်တော့လက်ဖ၀ါး|ကိုယ်ဘက်ကကြည့်တော့လက်ဖမိုး’ ဆိုသလိုပေါ့။

စေတနာကြောင့်ဝေဒနာခံစားရတိုင်းနောက်တစ်ကြိမ်ဆိုတာမဖြစ်ရအောင်နေမယ်လို့ဆုံးဖြတ်မိပါတယ်။ဒါပေမယ့်လည်း’မွေးသန္ဓေ|သေမှပျောက်’ဆိုတဲ့ဆိုရိုးစကားလိုပါဘဲ အခုထိမဖျောက်ဖျက်နိုင်ခဲ့သေးပါဘူး။မဖျောက်ဖျက်နိုင်သရွေ့လည်း ဝေဒနာဒဏ်တွေကိုခံနိုင်အောင်ကြိုးစားရင်း တစ်ပါးသူတွေအပေါ်မှာစေတနာတွေထားမိနေအုန်းမှာဘဲ။ဒီလိုပါဘဲ တစ်ပါးသူတွေလည်းကိုယ်ခံစားရတဲ့ပီတိလေးတွေခံစားရအောင် သူတို့တတွေထားတဲ့စေတနာတွေကိုအလေးအနက်ထားမိနေမှာပါ….။

သူငယ်ချင်း

ဖြူစင်စွာခင်မင်...

ရင်းနီးကြပျော်ရွှင်

အတူနေကြစဉ်ခဏလေးမှာ

တစ်ဦးနဲ့တစ်ဦး

နားလည်မှုကိုယ်စီနှင့်ှု

စာနာဖေးမခဲ့ကြ

အားလုံးကိုပေါင်းစပ်လိုက်တော့

သူငယ်ချင်း................