Tuesday 21 December 2010

တန်ဖိုးထား ထိန်းသိမ်းရမယ့် မိန်းမသား ဘ၀

ဒီခေါင်းစဉ်ကိုကြည့်ပြီး ဘလော့ခ်ဂါကိုကိုများ အားမပေးဘဲတော့ ပြန်မသွားပါနဲ့နော်။ ဘယ်သူ့ကို၊ ဘာကို ရည်ရွယ်ပြီး ရေးထားတာ မဟုတ်ပါဘူး။ ဒီနေ့ ရုပ်ရှင်ဇာတ်လမ်းလေးတစ်ခုကြည့်ပြီး တွေးမိသွားတာကြောင့် ရေးမိသွားတာပါ။

မိန်းမသားတွေရဲ့ဘ၀မှာ ဆောင်ရန်၊ ရှောင်ရန်တွေ အရမ်းကိုများပါတယ်။ မိန်းမသားတွေက ကိုယ့်ကိုယ်ကို တန်ဖိုးရှိအောင် ထိန်းသိမ်းနေထိုင်သင့်ပါတယ်။ ယောက်ျားလေးတွေက သူတို့ ကိုယ်တိုင်ကသာ ရှုပ်ချင်ပေမယ့် ကိုယ်ယူမယ့် မိန်းကလေးကိုတော့ ခြောက်ပြစ်ကင်း စေချင်တယ်တဲ့။ ဒါကဖတ်ဖူးတဲ့ စာသားလေး တစ်ခုပါ။ ပြောချင်တာက ယောက်ျားကောင်းရဖို့ အတွက် တန်ဖိုးရှိအောင်နေရမယ်လို့ ဆိုချင်တာမဟုတ်ပါဘူး။ ဘာအတွက်ပဲဖြစ်ဖြစ် မိန်းကလေးတွေက မိမိတို့ရဲ့ ဂုဏ်သိက္ခာကို ထိန်းသိမ်းသင့်ပါတယ်။ တစ်ခါတစ်ရံမှာ ကိုယ်ရဲ့အပြုအမူတွေက ကိုယ်အတွက် ဘာမှ မဖြစ်လောက်ဖူးလို့ထင်ပေမယ့် သူများအမြင်မှာ အထင်သေးစရာ ဖြစ်တတ်ပါတယ်။ ဥပမာ- ယောက်ျားလေးဆန်ဆန်နေတတ်တဲ့ မိန်းကလေးက သူရဲ့ စိတ်မှာ ဘာမှ မရှိဘဲ သူရဲ့ ယောက်ျားလေးဆန်တဲ့စိတ်ကြောင့် ပြောဆိုဆက်ဆံတာ ပွင့်လင်းပြီး သွက်လက်နေတတ်ပါတယ်။ ပွင့်လင်းဖော်ရွေတာက ကောင်းတဲ့လက္ခဏာဖြစ်ပေမယ့် ဒါကို နားလည် မပေးတတ်တဲ့သူတွေကတော့ ဒီမိန်းကလေး အနေအထိုင်ရဲတင်းလိုက်တာလို့ထင်တတ်ကြပါတယ်။ ပြီးတော့ အထင်အမြင်သေးတတ်ကြပါတယ်။ ထင်တဲ့သူတွေဘက်ကကြည့်ရင်လည်း မမှားပါဘူး။ လူအမျိုးမျိုး၊ စိတ်ထားအမျိုးမျိုးတွေရှိတတ်ကြကြောင့်ပါ။ အမှန်ကတော့ မိန်းကလေး က မိန်းကလေး ပီပီနေသင့်ပါတယ်။ တစ်ခါတစ်ရံမှာ ဘ၀ပေးအခြေအနေကြောင့် ဒီလိုပုံစံတွေ ရှိလာတတ်တာပါ။ မိန်းမသားတွေက မိန်းမဆန်ဆန်နဲ့ ပွင့်ပွင့်လင်းပုံစံရှိအောင်နေထိုင်မယ်ဆိုရင်တော့ အများရဲ့ အပြောကိုမခံရနိုင်တော့ပါဘူးလို့ထင်ပါတယ်။ ရဲတင်းတဲ့ပုံစံမဟုတ်ဘဲ ရဲရင့်တဲ့ပုံစံ ဖြစ်သင့်ပါတယ်။

နောက်ပြီးမိန်းကလေးတွေက ခေတ်ဆန်တတ်ကြပါတယ်။ ခေတ်ဆန်တာနဲ့ ခေတ်မီတာ မတူပါဘူး။ ခေတ်ဆန်တဲ့မိန်းကလေးတွေဆို အကောင်းမြင်လည်း ခဏပါ။ များသောအားဖြင့်တော့ ဒီမိန်းကလေးက ခေတ်ဆန်လိုက်တာဆိုပြီး negative view တွေနဲ့ဘဲ ကြည့်တတ်ကြပါတယ်။ ဒါပေမယ့် ခေတ်တော့မီသင့်ပါတယ်။

မိန်းကလေးတွေက အထူးသဖြင့် ယောက်ျားလေးတွေနဲ့ ပြောဆိုဆက်ဆံရာမှာလည်း မိန်းကလေးပီပီ အိနြေ္ဒရေရရ ပြောဆိုဆက်ဆံသင့်ပါတယ်။ အဲဒီလိုမဟုတ်ဘဲ ရင်းရင်းနှီးနှီးနဲ့ ယောက်ျားလေးတွေနဲ့ တန်းတူ ပြောဆိုဆက်ဆံခဲ့ရင် အထင်မြင်သေးခြင်းခံရတတ်ပါတယ်။ ပြီးတော့ တန်ဖိုးလည်းမထားတတ်ကြပါဘူး။ မိန်းကလေးပီပီ အိနြေ္ဒရေ သိက္ခာရှိရှိ ပြောဆိုနေထိုင်သင့်ပါတယ်။ ဒါမှလည်း မိမိကိုယ်ကို တန်ဖိုးထားရာ ရောက်ပါမယ်။

မိန်းကလေးတွေက ယောက်ျားလေးတွေနဲ့ သဘာဝချင်းကစပြီး မတူညီတဲ့ အတွက် ဘာကိုဘဲလုပ်လုပ် မိမိရဲ့ မိန်းကလေးဆိုတဲ့ သဘာဝကိုတော့ ကျော်လွန်ပြီး မတွေးသင့်သလို၊ မလုပ်ဆောင်သင့်ဘူးလို့ ထင်ပါတယ်။ ဘာကိုပဲ လုပ်လုပ် မိမိရဲ့ ဂုဏ်သိက္ခာ၊ တန်ဖိုးကို လျော့ပါးစေမယ့် အပြုအမူမျိုး မဖြစ်သင့်ပါဘူး။ အထူးသဖြင့် မြန်မာမိန်းကလေးတွေက မိမိတို့ရဲ့ တန်ဖိုးကို ကျဆင်းမသွားအောင် မိမိတို့ စောင့်ထိန်းရမယ့် ကျင့်ဝတ်တွေကို လိုက်နာနေထိုင်သင့်တယ်လို့ ထင်ပါတယ်။

မိန်းကလေးတွေကလည်း မိန်းမသားပီပီ ပြောဆိုနေထိုင် ဆက်ဆံသင့်သလို၊ အများကလည်း ပွင့်လင်း သွက်လက်တဲ့ မိန်းကလေးတိုင်းကို ရဲတင်းလိုက်တာလို့မတွေးဘဲ အကောင်းဘက်ကနေ ဖြည့်တွေးပြီး ပြောဆိုသင့်တယ်လို့ထင်ပါတယ်။ ခေတ်ဆန်တဲ့မိန်းကလေးတွေ မဟုတ်ဘဲ ခေတ်မီတဲ့ မိန်းကလေးတွေ ဖြစ်ပြီး မိမိဘ၀ကို တန်ဖိုးထားတတ်သော မိန်းကလေးများ ဖြစ်သင့်တယ်လို့ထင်ပါတယ်။ ဘာဖြစ်လို့လဲဆိုတော့ မိန်းကလေးတွေရဲ့ ဘ၀ဟာ ခြေတစ်လှမ်းမှားလိုက်တာနဲ့ တစ်ဘ၀စာပြင်မရတဲ့ အမှားတွေ ဖြစ်လာတတ်လို့ပါ။ ဒါကြောင့် မိန်းကလေးတိုင်း မိမိကိုယ်ကို တန်ဖိုးထားတတ်ပြီး အိနြေ္ဒရှိရှိနဲ့ မိန်းမ ပီသသော မိန်းမသားတွေ ဖြစ်စေချင်ပါတယ်။

Saturday 11 December 2010

နိယာမ

သက်ရောက်မှုတိုင်း၊
တန်ပြန် သက်ရောက်မှုရှိတယ်လို့ သူတို့တွေက ပြောကြတယ်။
ကိုယ်ကပြုံးပြလျှင် သူပြုံးပြတယ်။
ကိုယ်ကမဲ့တော့ သူပြန်မဲ့တယ်တဲ့။
ကိုယ်ကချစ်နေပေမယ့် သူပြန်မချစ်တော့....
ဘာနိယာမလို့ ခေါ်ကြမလဲဗျာ....။

Wednesday 1 December 2010

ကျွန်မ ဘ၀ရဲ့ အဖော်မွန်လေးများ

လူတိုင်း လူတိုင်းမှာ အပါင်းအသင်း၊ မိတ်ဆွေ ဆိုတာရှိတတ်စမြဲပါ။ အဲဒီလို မိတ်ဆွေတွေထဲမှာ လူသားတွေအပြင် စာပေ၊ ဂီတ စတဲ့ အရာတွေလည်းပါဝင်ပါတယ်။
ကျွန်မရဲ့ အဖော်မွန်လေးတွေကတော့ အထူးသဖြင့် စာအုပ်၊ စာပေနဲ့ ဂီတပါ။ ငယ်စဉ် ကလေးဘ၀ကနေ ကျောင်းပြီးဘွဲ့ရတဲ့အထိ အဖော်မွန်လေးတွေကတော့ စာအုပ်တွေရယ်၊ သီချင်းတွေရယ်၊ အားကစားရယ်ပါ။ ကျွန်မ ငယ်ငယ် ကျောင်းနေစဉ်က အဖော်မွန်တွေကတော့ တို့ကျောင်းသား၊ တေဇ စာစောင်လေးတွေပါ။ ဖေဖေရော၊ မေမေပါ စာဖတ်ဝါသနာပါကြတော့ ကျွန်မအတွက် ဒီစာစောင်လေးတွေကို လစဉ်ဝယ်ပေးပါတယ်။ အဲဒီလိုနဲ့ စာဖတ်ဝါသနာပါလာတော့ စာအုပ်တွေက ကျွန်မရဲ့ အဖော်မွန်လေးတွေ ဖြစ်လာပါတယ်။
ဂီတကလည်း လူတွေရဲ့ စိတ်ကို နူးညံ့သိမ်မွေ့စေတယ်လို့ ကြားဖူးပါတယ်။ လူတိုင်းလည်းကြားဖူးမှာပါ။ တစ်ခါတစ်ရံ အလုပ်တွေရှုပ်နေတာတို့၊ စိတ်တွေရှုပ်နေတာတို့ဆိုရင် ကြိုက်တဲ့ သီချင်းလေး နားထောင်လိုက်ရင် အလုပ်ရှုပ်တာတွေ၊ စိတ်ရှုပ်တာတွေ ခဏမေ့ပြီး စိတ်ကြည်နူးမှုလေးတွေရလာပါတယ်။
ကျွန်မကတော့ အဲဒီလိုအချိန်ဆိုရင် သီချင်းအေးအေးလေးတွေ နားထောင်တတ်ပါတယ်။
နောက်တစ်ခုက ကျွန်မ ငယ်ငယ်က အားကစား အရမ်းကို ၀ါသနာကြီးခဲ့ပါတယ်။ အခုထိလည်း အဲဒီဝါသနာ ရှိနေတုန်းပါဘဲ။ ငယ်ငယ်က ဘတ်စ်ကတ်ဘော ကစားပါတယ်။ ညနေတိုင်း ကစားပါတယ်။ တစ်ခါတစ်ရံ နေမကောင်းသလို ဖြစ်နေရင် ညနေမှာ သွား မကစားရမှာ စိုးလို့ နေကောင်းချင်ယောင်ဆောင်ပြီး အိမ် အလုပ်တွေကူ၊ စာတွေ ကျက်ပြနေရတယ်။ ကျွန်မရဲ့ သူငယ်ချင်းတွေနဲ့ မတွေ့ဖြစ်တာ၊ စကားမပြောဖြစ်တာရှိခဲ့ရင်တောင်မှ ပျင်းတယ်၊ အထီးကျန်ဆန်တယ်လို့ မခံစားရဘူး။ စာအုပ်ဖတ်ရင်ဖတ်၊ သီချင်းနားထောင်ရင်ထောင်၊ ညနေရောက်ရင် ကစားနဲ့ဘဲ ကျွန်မရဲ့ အားလပ်ချိန်လေးတွေ ကုန်ဆုံးသွားတာပါ။
ကျောင်းပြီးလို့ အလုပ်ခွင်ဝင်တော့ အားကစားကလွဲပြီး စာအုပ်နဲ့ သီချင်းလေးတွေက ကျွန်မရဲ့အဖော်မွန်အဖြစ် ဆက်ရှိနေပါတယ်။
အခု အမိမြေနဲ့ဝေးတဲ့ဆီမှာ ပညာသင်လာနေချိန်မှာတော့ ကျွန်မမှာ အဖော်မွန်လေးတွေတိုးလားတယ်။ ဒါပေမယ့် စာဖတ်နှုန်းတော့နည်းသွားတယ်။ ဒီဘလော့ခ်လေးကလည်း ကျွန်မဘ၀ရဲ့ အဖော်မွန်ထဲက တစ်ခုပါ။ နောက်တိုးလာတာတွေကတော့ မြန်မာဗွီဒီယို ၀က်ဘ်ဆိုဒ်တွေပါဘဲ။ ပျင်းတဲ့အခါ ဇာတ်လမ်းလေးတွေကြည့်၊ သီချင်းနားထောင်၊ စိတ်ကူးရတဲ့အခါ ဘလော့မှာ စာရေးလိုက်နဲ့ ကျွန်မရဲ့ အဖော်မွန်လေးတွေကြောင့် အထီးကျန်တာ အားငယ်တာ မရှိတော့ပါဘူး။ ဘလော့ခ်တွေ လျှောက်လည်ရတာကလည်း သူငယ်ချင်းတွေနဲ့ စကားပြောနေရသလိုပါဘဲ။
လူဆိုတာ တစ်ဦးတစ်ယောက်ထဲ ရပ်တည်နေထိုင်လို့မရပါဘူး။ ဒါပေမယ့်..တစ်ခါတစ်ရံမှာ သူငယ်ချင်း အပေါင်းအသင်းတွေက မအားတဲ့အခါတို့၊ မတွေ့ဖြစ်ကြတဲ့အခါ၊ စကားမပြောဖြစ်တဲ့အခါတို့ ရှိရင် ရှိနိုင်ပေမယ့် သူတို့လေးတွေကတော့ ကျွန်မဘေးမှာ အမြဲရပ်တည်ပေးနေတဲ့ ကျွန်မဘ၀ရဲ့ အဖော်မွန်လေးတွေပါ။